सप्तरी । छिन्नमस्ता गाउँपालिकाद्वारा ईलाका प्रहरी कार्यालय सखडालाई आईतबार एक थान कम्प्यूटर सेट र एक थान प्रिन्टर सहयोग गरिएको छ । आधुनिक समयमा पनि ईलाका प्रहरी कार्यालयमा रजिष्टरबाट कामकाज हुँदै आएकोले त्यसलाई आधुनिकीकरण गर्नको लागि गाउँपालिका अध्यक्ष विद्यान्नद चौधरीको नेतृत्वमा सो कम्प्युटर र प्रिन्टर प्रदान गरेको छ ।
ईलाका प्रहरी सखडाका सई शत्रुधन राउतले कम्प्युटर र प्रिन्टर पाएर आधुनिक तरिकाबाट कामकाज गर्न धेरै सजिलो हुने बताए । कार्यक्रममा गाउँपालिकाका प्रशासकीय निमित अधिकृत अरुण कुमार यादव, तथा वडाअध्यक्ष लगायतका स्थानिय अगुवाहरुको उपस्थिति रहेको थियो ।
